الاشعار المفضلهـ

حبيبي ياهـــلا بك والحنايــا تنتظر ملفــــاك
حبيبــي كلمــا هبيت .. قلبي ترقص اغصانـه
***



هلا بك كثر ماتسحر بيوت الشعرلمس شفاك
طيوفك تختصر ليلي .. واكحّل فيك أجفانـــــه
***



ولهت لساحل يدينك .. بصافح موجك ومرساك
واذا ماطحت باحضانك وله .. مااكون ولهانه
***



حبيبي يــا نهر شوقـي وروحي يالغلا مجراك
تغــرد لك أحاسيس العمر ويــذوب بستانــــه
***



عيوني كنها زهرة وفـــا فيها النــدى نــاداك
تعال وشمها .. بدونك ترى النظرات ذبلانــه
***



تعبت اذكرمتى حاولت في لحظه أنا اتناساك
غيــوم الفكر دايم في سما ذكراك سرحانـــه
***


ولا ادري كيف ازف القلب في عرسه لاجل لقياك
ولا ادري من قماش الصمت والا البوح فستانــــه
***


شعوري صب فنجال الغرام ومـد لـه يمنــاك
متى الموعد على ارض الجروح يسيل هتانه
***


أنا جيتك قصيدة ذنـب مــا يغفــر لها معنـاك
قصيدٍ ماوصل وصفك .. ترى تجافيه أوزانــه
***



أنا وبخنجر وصالك أبطعن في ظهر فرقـاك
أبي دمه يسيل وترتوي به روح عطشانــــه

 

حبيبيـ جانيـ يترجى..

حبيبي جاني يترجى بعدماذلني ويّاه
و يطلب من شعورٍ مات يرديحياعلى شانه
بعدماكان يعذبني وفيني مايخاف الله
رجع مثل الطفل يرجي وصالي وعينه غرقانه
يحسْب اني على خبره مناي وغايتي لقياه
بعدعامين من هجره رجع لي يشكي احزانه
يحسْب اني هذاك اللي بيغفر كل ما سواه
و جاني بكل ثقه يركض يقول ان الزمن خانه
و بشرته انا بربي حلفت اتجاهله وانساه
و اذا قلبي طرى اسمه حلفت اقطع له لسانه
عشانه كنت انا عايش ولكن احسن الله عْزاه
رحلت بكل مافيني وغيّر قلبي عنوانه

أســــــــــــــــــافـر 

أنا من وين ما اسافر عن احزاني تجد احزان
واظل أركض مثل ضحكة غريب ودمعة مسافر
تعبت اهرب من الذكرى لها كل البشر عنوان
تجيني بالوجوه اهرب ولا اهرب دامها الناظر
واناديلك وانا بآخر ليالي بآخر الأوطان
أصارع غربتي بين الخفوق وعزة مكابر
لك الله ماشعرت إلا بعد فرقاك بالوجدان
شف غيابك عسف مهر العناد وروّض النافر
ياوجهٍ مالحقه انسان ولا يلحق أبد انسان
اغامر في مصالحنا وإذا زاعلتك مغامر
ياليتك لو تجي مرة ، تعيّشني زمانٍ كان
تدفي برد أحلامي وأذوب بصوتك الساحر
هلا منك لها لونٍ يسولف تسكت الألوان
هلا منك لها طهر الصلاه ومبسمك كافر
هلا منك تخليني أحس أكثر ضما الفنان
هلا منك تعلمني أذوق بنظرة الشاعر
هلا منك تسفرني لوجه أمي وأشيب اشجان
هلا منك على عمدان تقوّم حظي العاثر
هلا منك ولا أذكر شي بعدها من متى للآن
أهيم وماعرف ماشفت ولا سامع ولا خابر
دخيل اللوم بشفاهك بهمسة طرفك النعسان
بـلا وان جت بهزة راست تغلي وأنتظرصابر
دخيل الصبح والنظرة تثاوب تنكسر ألحان
وليلٍ ما جمعه الليل على وسادتك متناثر
دخيل أخطر وعد مهما شربته عدت لك عطشان
دخيل موادعك لا حل يعلقني بيد باكر
دخيل العشق لا عاتب حنايا العاشق الولهان
سترت الشوق بضلوعي إلين أعرج مشى الخاطر
دخيلك دربها وينه يا ناسي بلدة النسيان
تعبت أبحث وأبيع سنين لا غايب ولا حاضر

...::: تـــذكــريــنـ :::...

تـذكريـن أيـّامنـا واحنــا صغــار
يـوم كنتـي تسألـي عــدّ الحــروف
يــوم كنّــا بيـن مجموعـة كبــار
واسـألك قولـي اليـن الـرقم مـوف؟؟
ان نـويتـي العــدّ قلتـي بـاختصـار
واحـد..اربـع.. سبـع..عشريـن الألوف
نختـلف سـاعـات في صنـع القــرار
آنـا أشيـلك؟؟ لا.أنـا..فـوق الكتــوف
تضـربينـي كـفّ في خـدّي اليســار
آآآه يـاكـم جـا لخـدّي مـن كفــوف
خـدّي الأيـمـن يصـيـبـه احمــرار
مـن كثر بوسـات الإرضـاء العطـوف
مـاعـرفنـا شـيّ اسمــه اعـتــذار
بالزّعـل نـرضي تصـانيف وصنـوف
ان طلبتـك وصـف قلتـي صـار صـار
توصفينـي كـن مـافيـنـي وصــوف
نقتـسـم حـلـوى مـليئـه بـالغبــار
تـاخـذيـن القسـم الأكـبر دون خـوف
نلـعب تقولـي: منــار آقـول: نــار
نـرجع تقولـي: خـروف آقول: صـوف
تـجمعـين أعـواد وشـويـّة حـجــار
وقـتـهـا نـبـني مغـارات وكهــوف
تـرسميـني وحـش في وسـط الجــدار
تضحكـيـن بكـل أزمـات الظــروف
نجمـع الأصحـاب ونسـوّي قـطـــار
تـرفـض اللّـعبـه منيـره والهنــوف
نجتمـع عشـريـن صـاحب في مــدار
والعـلـب تهـتـزّ بـايـدينـا دفــوف
ان جـلستي درس مـن دون اخـتبـــار
وان وقـفتي كـلّ طـلاّبـك وقـــوف
في السبــاق نــدوّر أقـوى انحــدار
والشجـر نجعـل مـن أغصـانه سيـوف
مـايـهـمّ ان جـت لتـحديـد المســار
المـهـم انـّا علـى القـريـه نطــوف
وان تركتـيـنـا وعـانيـتـي حصــار
عـن مثـل ذا اليـوم تلقـينـا عــزوف
تطـلعيـن وفي يـدك قطـعـة خـيــار
.تـاكـليـن وكـلّنـا خلـفـك صفــوف
شـدّتـك: ابـعـد وجنـّب يـاحمـــار
رغـبـتـك: غصبٍ على كـل الأنــوف
تبكـي أحـلى أيّـامنـا ذيـك الـدّيــار
..تحـت ضـوء الشمـس والعـالم تشـوف
مـايهـمّ اللـيـل يـعنينـا الـنـّهــار
والقمــر بعيـوننـا يـعنـي خســوف
آنـا كنـت أقطـف من عيونـك ثمــار
.وانتـي اللـي تثمـري فـينـي قطــوف